Lurra planeta ozen ari da mezua helarazten.
Gizartea kezkatuta dago. Etorkizun jasangarria lortzea premiazko erronka da.
Egoera honen aurrean, lidergoari heltzeko prest dauden gazteak ezinbestekoak dira.
Eta gu, zuen bila gabiltza.
Izan zaitez Ekoliderra.
Erantzun lurraren deiari.
Gazte Ekoliderrak jasangarritasunean eta eraldaketarako lidergoan oinarritzen den formakuntza eta bizitza ibilbidea da. Gazteak gizarte eraldaketaren sustatzaile izatea nahi dugu. Aktibista izatea. Ekolider bilakatzea.
Jasangarritasunaren ezagutzan sakondu ikuspegi holistikotik eta lidergo-konpetentziak eskuratu.
Ekiteko ahaldundu, ideiatik ekintzetara pasatzeko ikasitakoa praktikara eraman.
Ekolider sarearekin bat egin. Kontzientzia, pentsamendu kritikoa eta enpatia landu, partaideak gizarte eragile bihurtu daitezen.
Guztira 30 gazteek izango dute Gazte Ekolider izateko aukera. Jasangarritasunean trebatu eta aldaketarako prestatu nahi baduzu, eman izena eta izan zaitez eratzen ari garen sarearen parte. Formazio ibilbide hau, gainera, aukera ezinhobea izango da zu bezalako gazte aktiboekin konektatu eta erakunde zein pertsona ekintzaileak ezagutzeko.
Formakuntza Gipuzkoako Foru Aldundiko Ingurumen Sailak, Kutxa Fundazioak eta UPV/EHUko Uda Ikastaroak Fundazioak bekatuta dago % 80an.
Formazioaren prezioa:
2130 €
Gazte Ekoliderrak formazio-ibilbidean zehar talde koordinatzaile eta tutoreen etengabeko jarraipen eta aholkularitza izango dituzu. Formakuntza horrela antolatu dugu:
UPV/EHUko Udako Ikastaroen Fundazioak (UIK) akreditatua, zure profil prozesionala sendotuz. 4 kredituko ECTS balioa.
Egitarautik kanpo ekintzara bideratuta dauden jarduera ezberdinetan borondatez parte hartzeko aukera.
Gipuzkoako Foru Aldundiko GK Recycling eta GK Green Fashion clusterrekin eta Kutxa Fundazioko talentuaren programekin saretua.
Unibertsitateko irakasleak, aktibistak, elkarteak, erakundeetako ordezkariak, adituak, mendizaleak… Hezitzaile talde anitzari esker, jasangarritasuna eta lidergoa ikuspuntu ezberdinetatik landuko dugu.
Kutxa Ekoguneko Kontsumo eta Ohitura Jasangarria saileko koordinatzailea da. Ingurumen Zientzietan Lizentziatua (2001-2004). Ikasketak Italian amaitu zituen eta ordutik hona ingurumen-hezkuntzan, herritarren parte-hartzerari buruzko proiektuetan (Agenda 21) eta sentsibilizazio kanpainetan aritu da.
Impact Hub Donostiaren sortzaileetako bat eta zuzendaria. Industria ingeniaria da, eta 10 urteko esperientzia du gizarte-berrikuntzarekin, ekintzailetzarekin, kulturarekin eta ekonomia zirkularrarekin lotutako proiektuak diseinatzen eta gauzatzen.
Taldeen entrenatzaile eta lidergo eta jasangarritasunerako planifikazio estrategikoan aholkularia. Dragon Dreamingeko hezitzaile ofiziala da 2012tik. Denbora tarte horretan, erraztaile izan da 4 kontinenteetan, 300 pertsona baino gehiagori lagunduz. Bere bizitzako azken 8 urteetan jendeari laguntzen aritu da, kontzientzia berria duten proiektuak sortzen lagunduz.
Prozesu parte-hartzaileak saileko arduraduna da eta erreferente/sustatzaile euskararen elkartetan Gipuzkoan. Masterra du Strategic Leadership towards Sustainability-n (2016) eta Donostiako Impact Hubeko U.Lab-eko parte-hartzaile eta dinamizatzaile izan da. Lidergo eta parte-hartze metodologietan trebatu da.
2014az geroztik UNESCO Etxea Euskal Herriko UNESCO zentroko zuzendaria. Jasangarritasunaren, hezkuntzaren, kulturaren eta giza eskubideen arloetan lan egiten du Euskal Autonomia Erkidegoan. Biologian lizentziatua.
Ekologia eta Garapen Fundazioaren (ECODES) soziologo, fundatzaile eta zuzendaria. Mundu Itunaren Espainiako Sareko lehendakariordea, 'Caja de herramientas para los constructores del cambio (2008)' liburuaren autorea da.
Ihobeko proiektu teknikaria - Klimaren aldeko ekintzetan, gaur egun URBANKLIMA proiektuan ari da lanean besteak beste. Gazte Ekoliderren sareko kidea. Ingurumen Zientzietan Lizentziatua.
Naturklimaren zuzendari nagusia. Enpresa-munduaz, berrikuntzaz eta ekintzailetzaz amorratua da, eta sinetsita dago negoziak direla gizarte gisa ditugun erronka handiak konpontzeko eta balio partekatua sortzeko tresnarik onena, betiere jasangarritasunaren ikuspegitik egiten badira.
Joseba Zalakain gipuzkoar kazetaria da. Gizarte eta Informazio Zientzietan lizentziatua da, eta SIIS Dokumentazio eta Ikerketa zentroaren zuzendaria da. Pobreziari, bazterketari, mendekotasunari eta beste arlo ugariri butuzko ikerketak egiten ditu.
Soziologo eta politologoa, mugimendu sozialetan eta larrialdi klimatikoan aditua.
Gipuzkoako Foru Aldundiko Ingurumen Zuzendaritza Nagusiko Iraunkortasun Ataleko burua. Biologian Lizentziaduna.
Ingurugiro zientziatan lizentziaduna. Azken urteetan Mugarik Gabeko Ingeniaritzarekin eta Ekologistan Martxanekin egon da elkarlanean eta egun ekopol ikertalde kontsolidatuko partaidea da.
Marti Franch - Arkitektoa eta paisajista. Ekoliderrak sareko kidea.
23 urteko esperientzia du energia- eta ingurumen-sektoreetan, eta biologia zientzietan lizentziaduna da. Gaur egun Naturklimako zuzendari teknikoa da. Kutxa Ekogunean proiektuen koordinatzailea izan zen eta energia eta klima aldaketaren arloko arduraduna, eta Usurbilgo Lanbide Heziketako Institutuko energia berriztagarrien eta energia eraginkortasunaren zentroko kudeatzailea.
Hamarkada bat baino gehiago berrikuntza-ekosistemak eraikitzen, sarean ehuntzen eta elkarrizketak sustatzen. Orain, LAABtik. 'Frena la Curva'ren bultzatzailea.
Txundituta dago natura eta haren harremanak gaztetatik ikusi eta ikastean. Ingurumen Zientzietako lizentziaduna. 2019az geroztik, aktiboki dihardu lanean Lurgaian, basoak eta prozesu ekologikoak berreskuratzen laguntzeko.
Naturkon-eko kidea. Naturaren Kontserbazia Gipuzkoan Gipuzkoako elkarte naturzale eta kontserbazionistak sortutako taldea.
Gipuzkoako Foru Aldundiko ingurumen teknikaria. Biologian lizentziaduna eta Ingurumen Ebaluazio eta Berreskurapeneko Unibertsitate Masterra.
Kutxa Ekogunea - Baso-eskolako arduraduna. Haur Hezkuntzan diplomaduna eta EHUko Bilboko Irakasleen eskolan. Esperientzia handia du haurrekin bai helduekin lanean, herrialde eta hezkuntza zein laguntza ezarpen ezberdinetan. Baso Eskola edo Forest Kindergarten proiektua lideratzen aritu da Eskozian urte luzez eta Bandera berdea (Eco Flag) lortzeko partaide aktiboa izan da.
Kutxa Ekoguneko Baso-eskola proiektuaren arduradunetako bat. Biologian doktorea da eta ikertzailea eta irakaslea izan da. EuskalNatura (UEU Natur Zientziak) taldeko kidea da 2007tik. Gainera, irakaslea da EHUko Online Irakasleen Masterrean.
