Baratze eremua udalerriaren iparraldean dago kokatuta, Belostegi auzoan. Parkeak tren karrila eta N1 errepidea ditu albotara eta hegoaldean Auzo Txikiko etxebizitzak. Orotara 4000 m²-ko azalera du parkeak eta eremu laua dela esan genezake.

Etxola eremuaren erdigunean kokatzen da eta bertatik irteten dira lur-sailetara doazen bidexkak. Etxola biltegi eta aldagela bezala antolatuta dago. Ureztatzeko uraskak eta auzokonposta egiteko gunea ere baditu Alegiko Baratze Parkeak. Partzela batzuk amankomunean dituzte baratzekideek: bertan, fruitu txikiko zuhaixkak landatu dira edo eremu gehiago eskatzen duten sasoiko beste landaketak egiteko erabiltzen dira (kuia, e.a.).